|
|
|
|
Gerddi Tawel a Lleoedd Tawel Gweinidogaeth o Groeso a Gweddi
"Dewch chwi eich hunain o’r neilltu i le unig a
gorffwyswch am dipyn"
Prif weledigaeth Ymddiriedolaeth y Gerddi Tawel yw
cychwyn a chynnal rhwydwaith o gyfleoedd lleol ar gyfer gweddi a thawelwch;
Yr Ardd Dawel a’r Fangre Dawel Mae mudiad y Gerddi Tawel yn hybu darparu canolfannau lleol lle bydd cyfle i neilltuo amser i orffwys a gweddïo. Gweinidogaeth o groeso yw hyn. Daw Gerddi Tawel a Lleoedd Tawel i fod pan fydd pobl yn ymateb i’r weledigaeth hon ac yn cytuno agor eu cartrefi a’u gerddi am ddiwrnodau o lonyddwch a myfyrdod. Ar amser penodol daw’r rhain yn lleoedd o encil a chyfarfod; o adnewyddiad ysbrydol ac o gynhaliaeth. Ar yr aelwyd neu yn yr ardd, bydd cyfle i rannu gofidiau, adrodd straeon ac offrymu gweddi. Mae Gerddi Tawel a Lleoedd Tawel hefyd wedi cael eu sefydlu mewn tai encil, eglwysi, canolfannau lleol, ysgolion ac ysbytai. Yma mae ardaloedd arbennig o harddwch a heddwch wedi’u cysegru i weddi tawel ac unigedd. Gall Gardd Dawel neu Fangre Dawel fod o unrhyw faint a siâp. Maent yn bodoli yn y wlad ac yn y dref; gallant fod yn barhaol neu gael eu cynnig am gyfnod byr yn unig. Bydd Gerddi Tawel a Lleoedd Tawel yn gysylltiedig ag Ymddiriedolaeth y Gerddi Tawel, sydd yn rhoi anogaeth iddynt drefnu eu rhaglenni eu hunain i ateb anghenion lleol. Mae swyddogion yr Ymddiriedolaeth ar gael i gynnig cyngor; bydd cyfle hefyd i gysylltu a Gerddi Tawel eraill am gymorth. Sut i Ddod yn Rhan Efallai teimlwch alwad i agor eich cartref fel Gardd Dawel – neu byddech yn hoffi agor Mangre Dawel yn eich eglwys leol, neu’r ysgol, yr ysbyty, y carchar, y gweithle neu’r ganolfan gymunedol. Anfonwch at E-Bost: quiet.garden@ukonline.co.uk am ragor o fanylion ynghylch y weinidogaeth hon o groeso a gweddi, ac am sut i sefydlu Gardd Dawel neu Fangre Dawel. Gerddi tawel i ymweld â nhw yng Nghymru
Ymddiriedolaeth y Gerddi Tawel Cychwynnodd y weinidogaeth yn 1992 pan agorodd yr Ardd Dawel gyntaf yn Stoke Poges, Swydd Buckingham, Lloegr. Sefydlwyd hon gan y Parch. Philip D. Roderick, offeiriad plwyf oedd yn gweithio yn Esgobaeth Rhydychen, ac sydd nawr yn Gyfarwyddwr Ymddiriedolaeth y Gerddi Tawel. Gafaelodd y syniad yn nychymyg eraill, ac yn fuan daeth mwy o Erddi Tawel i fod. Erbyn hyn, mae Gerddi Tawel a Lleoedd Tawel yn y Ddinas yn Ynysoedd Prydain, yn Ewrop, De a Gogledd America, India, Affrica, Awstralia a Seland Newydd. Sefydlwyd yr Ymddiriedolaeth yn 1994 i gynorthwyo gweinidogaeth ryng-enwadol i’r Gerddi Tawel unigol. Mae’n cefnogi’r sawl sy’n ystyried darparu Mangre Dawel, gan ymateb yn bositif i awgrymiadau a syniadau newydd, yn ogystal â darparu gofal bugeiliol. Mae’r Ymddiriedolwyr yn ymchwilio’n gyson i ffyrdd o ariannu’r adnoddau sydd eu hangen i alluogi’r weinidogaeth i barhau i dyfu.
Noddwyr Ymddiriedolaeth y Gerddi Tawel. Richard Foster
|
